Durent i zvanično Bruklinov, po prvi put sa "sedmicom" na leđima
Dvostruki NBA šampion potpisao je četvorogodišnji ugovor, vrijedan 141 milion dolara
Kevin Durent, jedna od najvećih NBA zvijezda, i zvanično je igrač Bruklin Netsa.
Sa timom iz Njujorka, koji je prethodno potvrdio i dolazak Kajrija Irvinga, potpisao je četvorogodišnji ugovor vrijedan 141 milion dolara.
"Kevin je šampion, jedan od najvećih igrača svoje generacije, a možda i bilo koje druge. Dovesti takvog košarkaša u naš organizaciju znači mogućnost da se takmičimo sa elitnim timovima. Uzbuđeni smo što je KD postao član Nets familije", kazao je generalni menadžer Šon Marks.
Durent, koji će zbog povrede propustiti cijelu narednu sezonu, je u Bruklin stigao u zamjenu za Dianđela Rasela, Šabaza Nejpira, Trevona Grejema, a Netsi su dobili i zaštićenog pika prve runde na draftu 2020. godine.
Dvostruki NBA šampion će, takođe, po prvi put u karijeri broj 35 zamijeniti "sedmicom" na leđima.
Durent je broj 35 nosio od posljednje godine na Univerzitetu Teksas, a kasnije i u Sijetlu, Oklahoma Sitiju i Golden Stejtu.
( Vijesti online )