Gojković: Krivica je moja, htjeli smo da idemo do kraja
"Neuspjeh je i tako ga moramo označiti. Htjeli smo više, ali ne mogu da zamjerim momcima, koji su bili motivisani, imali smo i odličnu atmosferu. Ako je neko kriv, ja preuzimam svu krivicu. Ja sam morao da biram rješenja, momci su dali sve što su imali", rekao je selektor "ajkula"
Selektor vaterpolo reprezentacije Crne Gore Vladimir Gojković je preuzeo odgovornost nakon iznenađujuće eliminacije od Australije u osmini finala Svjetskog prvenstva.
"Nismo došli ni da bismo igrali četvrtfinale, već je bila želja da idemo do samog kraja. Nismo igrali loše, ali ne mogu reći i da smo igrali dobro. Posebno u u ključnim momentima u sve tri utakmice", rekao je Gojković i nastavio:
"Neuspjeh je i tako ga moramo označiti. Htjeli smo više, ali ne mogu da zamjerim momcima, koji su bili motivisani, imali smo i odličnu atmosferu. Ako je neko kriv, ja preuzimam svu krivicu. Ja sam morao da biram rješenja, momci su dali sve što su imali. Ne možemo da budemo zadovoljni. Slijedi analiza i da se onda okrenemo budućnosti, jer Crna Gora ima mnogo obaveza u narednom periodu", zaključio je Gojković.
( Vijesti Sport )