Riješite haotičnu situaciju, kaznite počinioce ili slijedi suspenzija

I Svjetska fudbalska federacija uključila se u rješavanje haotične situacije u grčkom fudbalu, "prijetećim pismom" u kome je najavila drastične sankcije ukoliko se stanje ne dovede u normalu.

Sinoćnji meč PAOK - AEK je prekinut, a gazda PAOK-a Ivan Savidis sa pištoljem ušao na teren i prijetio sudijama.

Grčka Vlada je suspendovala fudbalsko prvenstvo na neodređeno vrijeme, najavljeno je i hapšenje kontroverznog biznismena Savidisa, ali FIFA očekuje reakciju Fudbalskog saveza te zemlje.

FIFA je poslala poruku u kojoj se traži intervenciju "u suočavanju sa neodrživom situacijom", podsjećajući da Statut dozvoljava da interveniše "po službenoj dužnosti čak i u slučaju domaćih takmičenja".

"Etički komitet FIFA ima pravo da istražuje i procesuira nacionalne federacije, ako ne sankcionišu takve prekršaje", navodi se u saopštenju FIFA, koja upozorava da će se u slučaju da "grčki savez ne preduzme akciju po tom pitanju, primijeniti korektivne mjere, uključujući i suspenzijue grčkog saveza".

Drugim riječima, Grčka bi mogla da bude suspendovana iz svih nacionalnih i međunarodnih takmičenja.

( Vijesti sport )