Zavirite u zelenu oazu mira porodice Bubanja
Odmor od gradske vreve i mir porodica Bubanja pronašla je nedaleko od centra Budve. Njihova mediteranska oaza, koja je, ističe Sloba plod vrijednog rada ali i ljubavi.
Ekipa "Boja jutra" bila je u posjeti porodici Bubanja, koji trenutno imaju preko 120 različitih vrsta kako ukrasnog cvijeća tako i drveća, a neke od sadnica su donešene iz egzotičnih krajeva svijeta.
"Puno putujemo moj muž i ja, obišli smo možda 2/3 svijeta, i svuda vidimo neke različite biljke i drveće, nekakva stabla, i onda ja idem i raspitujem se. Dešavalo mi se da idem i da pokucam da pitam za neko drvo. Skupljamo sa svih stana. Tako imam peruanski jasmin, japanski jasmin koji ima onu karakterističnu crvenu boju lista. Imamo jorgovane koji su veličanstveni, jer onaj ogroman buket cvijeća djeluje lijepo među svim ovim sitnim rastinjem", ističe Sloba.
Trud Bubanja prepoznali su i ljudi koji se profesionalno bave hotrikulturom, pa je tako Slobina bašta u dva navrata osvajala i nagrade.
( TV Vijesti )