Ragbisti Arsenala bolji od Vojvodine

Ragbi klub Arsenal iz Tivta pobjedio je novosadsku Vojvodinu u prijateljskom meču rezultatom 38:17 i tako najavio dobru sezonu u regionalnoj Jadranskoj ligi koja počinje u oktobru.

Utakmica je igrana četiri puta po dvadeset minuta, a na terenu se izmjenilo preko 40 ragbista.

Arsenal je prošle sezone osvojio drugo mjesto, a sada iz kluba poručuju da je ove godine glavni cilj da novi i mladi igrači steknu iskustvo.

Jadransku ligu do sada su činili Arsenal, Herceg iz Mostara i tri kluba iz Hrvatske - Inviktus Dubrovnik, Makarska i Neretva iz Metkovića.

Od ove sezone liga bi mogla da bude proširena o čemu će odluka biti donijeta na sastanku u Mostaru krajem avgusta.

( Vijesti Sport )