Muk: Može to Azra Jasavić, a da ne trepne
"Smiješi nam se izgleda staro lice Pozitivne..."
Predsjednik Upravnog odbora Instituta alternativa, Stevo Muk, ocijenio je da se nekadašnja poslanica Pozitivne, Azra Jasavić, može prihvatiti kandidature za ombudsmana "a da ne trepne", iako je u julu ove godine obavljala javne aktivnosti upravo u ime te partije.
"Smiješi nam se izgleda staro lice Pozitivne. Što bi bila v.d predsjednik vanparlamentarne stranke ili advokat EPCG kad može biti Ombudsmanka. Nije problem njoj da ne bude v.d. predsjednika Pozitivne (kako je proglašena kad je ostavku podnio raniji predsjednik stranke), nego joj nije problem da naprasno ne bude čak ni članica te stranke. Kad je i kome podnijela ostavku i vratila člansku kartu? Odbaci tako Azra funkciju v.d. predsjednika, baci i člansku kartu i prihvati se kandidature. Može to ona, a da ne trepne. Iako je u julu ove godine obavljala javne aktivnosti upravo u ime Pozitivne! Ali davno je to bilo, tada još nije znala da bi mogla biti ovo što joj se sada smiješi", napisao je Muk na Facebooku.
( Vijesti online )