Čelsi osvojio Amsterdam, Lajpcig u drugom poluvremenu ugasio Zenit

Čelsi pod Frenkijem Lampardom djeluje sve bolje i ozbiljnije - tim iz Londona slavio je u Amsterdamu 1:0 u trećem kolu grupe H Lige šampiona, upisavši šestu uzastopnu pobjedu u svim takmičenjima.

Ajaksu je presudio Miči Bašuaji u 86. minutu, na asistenciju Kristijana Pulišića.

I Bašuaji i Pulišić su u dosadašnjem dijelu sezone bili uglavnom u drugom Lampardovom planu, ali su večeras potvrdili kvalitet i da Čelsi ima širinu u sastavu.

U grupi G, Lajpcig je nakon preokreta bio bolji od Zenita na svom terenu 2:1.

Gosti su vodili od 25. minuta, pogotkom Rakickog, a u nastavku su za pobjedu pogodili Lajmer i Sabicer.

( Vijesti Sport )