Maska od breskve protiv bora

Tokom ljetnjih mjeseci koža je izložena sunčevim zracima, koji je dodatno isušuju i time pospješuju nastanak bora.

Veliki neprijatelj svježine i ljepote lica je uglavnom uporan, ali vi budite još uporniji. Suprotstavite mu se.

Njegujte lice svakodnevno hidratantnim kremama, a jednom ili dva puta nedeljno nahranite kožu prirodnom maskom.

S obzirom na to da je sezona bresaka u punom jeku, zašto ne biste iskoristili ovo zdravo, mirišljavo voće u borbi protiv bora?!

Napravite preparat u kućnoj radinosti za tren oka. Potrebne su vam dvije srednje breskve, dvije kapi eteričnog ulja lavande, dvije kašičice meda i isto toliko maslinovog ulja.

Ispasirajte očišćene breskve i pomješajte ih sa navedenim sastojcima. Miješajte sve dok ne dobijete kompaktnu smesu, a potom je nanesite na lice koje ste prije toga dobro očistili.

Ostavite da maska odstoji 20 minuta i nakon toga je isperite mlakom vodom. Pošto ste je uklonili, nanesite malo maslinovog ulja, pa ostavite da djeluje nekoliko sati, kako bi efekat tretmana bio jači, prenose Novosti.

( Vijesti online )