Bećiraj pogodio nakon tri mjeseca i osvojio Haifu

Crnogorski napadač Fatos Bećiraj je najzaslužniji za pobjedu Makabija iz Netanje na gostovanju Hapoelu u Haifi.

Bećiraj je bio dvostruki strijelac u trijumfu 3:1 - ušao je u 63. minutu, a onda mrežu tresao u 76. i 93.

Rekorder po broju nastupa u selekciji Crne Gore (ima ih 69) ove sezone je postigao četiri gola za Makabi, a prije duela sa Hapoelom pogodio je prije tri mjeseca kada, i to dva puta u pobjedi rezultatom 3:0 protiv Nes Cione.

Makabi je nakon 11 kola na 9. mjestu na tabeli izraelskog šampionata sa skorom od po tri pobjede i remija, te pet poraza.

( Vijesti Sport )