Oduševiće vas: Zapečene palačinke sa spanaćem i sirom

Ako vam je dosadila klasična priprema palačinki, isprobajte nešto novo: palačinke punjene finim nadjevom, prelivene bešamel sosom i zapečene u pećnici.

Sastojci:

Za palačinke:

• 4 jaja
• malo soli
• 40 g otopljenog putera
• 250 g brašna
• 500 ml mlijeka

Za fil:

• 250 g sira
• 250 g blanširanog spanaća
• 1 kašika parmezana
• 100 g mocarela sira izrezanog na kockice
• malo soli
• bešamell sos

Priprema:

U zdjeli umutite jaja, dodajte malo soli i počnite da miješate. Ulijte otopljeni puter i pomalo dodajite brašno dok ne dobijete gustu smjesu. Nastavite da miješate, polako dodajući mlijeko dok ne dobijete smjesu za palačinke. Ispecite ih.

Za fil najprije viljuškom dobro usitnite sir pa dodajte spanać, parmezan, mozzarellu i malo soli. Dobro izmiješajte sve sastojke i tako dobijenom smjesom filujte palačinke. Na dno vatrostalne posude stavite malo bešamela, zatim posložite palačinke i prekrijte ih ostatkom bešamela. Na vrh možete narendati malo parmezana. Pecite na 180 do 190 stepeni otprilike 30 minuta.

( Vijesti online )