Kada se treba tuširati: Ujutro ili uveče?
Dermatolozi savjetuju da se ne tuširate više od jednom dnevno jer se prekomjernim tuširanjem koža oštećuje
Iako je jutarnje tuširanje odličan način da se razbudite, dermatolozi tvrde kako bi, ipak, trebalo da se tuširate uveče prije spavanja.
Večernjim tuširanjem s kože ispirate znoj, masnoće i alergene koji se nakupljaju tokom dana i koži dajete mogućnost da se regeneriše tokom noći, a vi ćete zbog čistoće imati bolji san. Pored toga, tokom dana na koži se sakupljaju različiti alergeni i do večeri tijelo ih je prepuno pa vas to može iritirati tokom spavanja – kaže dermatolog.
Najvažnije je da uveče dobro operete lice prije nego što legnete na jastuk. Morate isprati masnoće jer u dodiru s jastukom nastaju bubuljice i akne, prenosi večernji.hr.
Istraživanja su pokazala i da tuširanje oslobađa od stresa te opušta mišiće pa ćete i lakše zaspati. Dermatolozi takođe savjetuju da se ne tuširate više od jednom dnevno jer se prekomjernim tuširanjem koža oštećuje. Preporučuju da uvijek koristite toplu, a ne vruću vodu, posebno zimi jer je koža više dehidrirana nego inače.
( Vijesti online )