Vatromet golova: PSŽ od 0:3 do 4:3, na kraju samo bod u Amijenu

PSŽ nije imao dobar uvod za nastavak Lige šampiona i duel sa Borusijom Dortmund, ali je makar bio akter najbolje utakmice ove sezone u Francuskoj.

Aktuelni i budući šampion osvojio je samo bod protiv pretposljednjeg Amijena, u vatrometnom duelu koji je završen 4:4.

Amijen je na domaćem terenu vodio 3:0, nakon 40 minuta igre.

U finišu poluvremena smanjio je Erera, da bi Kuasi sa dva gola i Ikardi preokrenuli na 4:3.

Finiš je ukrasio spektakl - u prvom minutu nadoknade Seru Guirasi se drugi put upisao u strijelce za konačnih 4:4.

PSŽ je igrao bez povrijeđenih Nejmara i Mbapea.

( Vijesti Sport )