Čokoladno čudo: Fantastični kolač od čokolade

Mnogi smatraju da kolač bez čokolade i nije kolač. Za one koji misle tako, donosimo recept za jednostavan, mekan i veoma ukusan kolač od čokolade.

Sastojci:

• 4 jaja
• 100 g šećera
• 200 g margarina
• 100 g čokolade za kuvanje
• 4 kašike brašna
• 1 prašak za pecivo

Za fil:

• 0,5 l slatke pavllake
• 200 g čokolade za kuvanje
• 1 kašika šećera

Priprema:

Žumanca i šećer umutiti, dodati istopljeni margarin i čokoladu, brašno pomiješano sa praškom za pecivo i na kraju snijeg od bjelanaca (bjelanca umiješati polagano, ne mikserom). Peći (u plehu 20x35cm) na 180°C oko 20 min. Provjeriti čačkalicom kad je pečeno.

Slatku pavlaku, čokoladu i šećer zagrijavati na laganoj vatri (miješajući lagano) dok ne provri.

Pečeni biskvit izbockati viljuškom na nekoliko mijesta i dok je još topao preliti ga sa toplom kremom. Krema je dosta rijetka ali je ne treba dodatno miksati ili bilo što dodavati jer će se nakon nekoliko sati u frižideru stisnuti. Kolač ohladiti prvo na sobnoj temperaturi, a onda staviti u frižider da se dobro ohladi i stegne krem…

( Vijesti online )