Peđa Zečević o festivalima, Dubioza i Atheisti o angažovanoj muzici
Podkast iza kojeg stoje organizatori "Rokumentarnih dana" od sredine prošlog mjeseca počeli su da svakog utorka od 23 sata razgovaraju sa poznatim umjetnicima sa ex Yu prostora i šire
Pandemija koronavirusa onemogućila je mnoge umjetnike i one koji se bave kultunim dešavanjima na opcije na koje su navikli, pa su morali da postanu kreativni kreativni i osmisle nove ideje. Jedna od takvih je novi video podkast "Premotavanje" iza kojeg stoje organizatori "Rokumentarnih dana" koji su od sredine prošlog mjeseca svakog utorka od 23 sata razgovarali sa poznatim umjetnicima, do sad uglavnom muzičarima, sa ex Yu prostora i šire.
U posljednjoj do sad, petoj epizodi koncentrisali su se na festivale - kako će izgledati festivalska sezona, kako se organizuju i finansiraju festivali i koliki je njihov značaj za grad i državu, a o tome su pričali Igor Todorović (urednik Explosive stejdža na Exitu i direktor To Be Punk festivala) i Peđa Zečević (direktor Lake festa).
"Premotavanje" od starta nudi zanimljiv materijal, pa je tako u prvoj epizodi ugošćen kultni britanski elektro pank sastav Sleaford Mods, a posebno zanimljiva bila je prošla epizoda u okviru koje su razgovarali, između ostalog dosta i o političko-društveno angažovanoj muzici, prijatelji i kolege iz bendova Dubioza kolektiv i Atheist Rap, Brano Jakubović i Vladimir Radusinović Radule.
( Stefan Strugar )