Selta deklasirala Alaves

Mukama Selte nazire se kraj. Ekipa iz Viga deklasirala je Alaves 6:0 i od zone ispadanja je pobjegla četiri boda.

Selta je prekinula niz od četiri utakmice bez pobjede, a ishod utakmice je bio poznat do poluvremena. Selta je vodila sa 4:0 i imala igrača više od 27. minuta.

Muriljo je pogodio prvi u 14. da bi potom Jago Aspas šest minuta kasnije bio precizan sa penala.

Nakon isključenja, do poluvremena je dva puta pogodio Rafinja (40. i 41).

U nastavku su golove dali Nolito sa penala u 78. i Santi Mina osam minuta kasnije baš na asistenciju Nolita.

Alaves ima 35 bodova, pet više od Selte.

( Slaviša Živaljević )