Prva dama Portorika poslala svijeće ugroženima, pa se izvinila

Supruga guvernera Portorika Beatriz Roselo izvinila se danas zbog slanja svijeća ljudima na tom ostrvu na kojem je više od 400.000 potrošača elekstrične energije i dalje bez struje mjesecima poslije uragana Marija. Beatriz Roselo je rekla da je poklon pogrešno protumačen jer je željela da pošalje poruku jedinstva i nade. Svijeće su djelimično napravljene od djelova drveta koje je oboreno u dvorištu vile guvernera Portorika, navela je agencija AP. Poslate su uz poruku na kojoj piše da taj predmet "predstavlja transformaciju i otpornost naroda Portorika". Gradonačelnik Jabukoa Rafael Suriljo rekao je agenciji AP da je primio svijeću i ocijenio da je "neprikladna". Prema njegovim riječima, samo oko 12 odsto domaćinstava u Jabukoi ima struju. Nije međutim poznato koliko ljudi je dobilo svijeće.

Uragan Marija, koji je u novembru pričinio veliku materijalnu štetu Portoriku, najjači je uragan koji je pogodio to ostrvo u proteklih 80 godina.

( Beta )