Kad čokolada 'pobijeli': Smije li da se jede ili mora da se baci?
Promjena temperature skladištenja, niža od 14 i viša od 18 stepeni, može dovesti do ovakve promjene
Jedan od najčešćih razloga zašto čokolada završi u smeću je promjena koju čini pojava bijelog „praha“ na površini čokolade. Mnogima je to alarm da je čokolada „pokvarena“ i da nije za jelo.
Ono što se zapravo događa nakon što čokolada nije, recimo, skladištena na preporučenim temperaturama ili joj je „prošao rok“, jeste da masnoća izbija na površinu. To ne mora biti znak da je čokolada nejestiva.
Promjena temperature skladištenja, niža od 14 i viša od 18 stepeni, može dovesti do ovakve promjene – izdvajanja masnoće iz homogene smjese sastojaka.
U emisiji prikazanoj na Channel 4’s Food Unwrapped, otkriveno je da se najveći broj pritužbi kupaca odnosi upravo na spomenuti problem, bijele tragove na njima omiljenoj čokoladi, a kako bi se to što rjeđe događalo, proizvođači čokolade trude se da je proizvedu na „savršenoj“ temperaturi. Ali, ako se ipak dogodi da čokolada „pobijeli“ sjetite se da biste taj „bijeli dio“ ionako pojeli, vidjeli ga ili ne.
( Vijesti online )