Bez brašna i bez šećera: Zdravi kolač od tri sastojka

Kolači bez brašna sve su popularniji, a ako pored toga ne koristite ni rafinisani šećer znači da je riječ o zdravoj poslastici. Priprema je vrlo jednostavna, a ukus odličan.

Sastojci:

• 2 jaja

• 170 g oraha

• 60 g urmi

• po želji: šaka brusnica ili komadići tamne čokolade

Priprema

Namastite kalup i zagrijte rernu na 180 stepeni. Odvojite bjelanca od žumanaca. Ostavite žumanca po strani, a bjelanaca dobro umutite. Orahe i urme fino usitnite u blenderu (ili drugačije) pa ih pomiješajte sa blago umućenim žumancima. Potom tijestu dodajte bjelanca.

Kolač pecite oko 25 minuta - isprobajte je li pečen pomoću čačkalice - i po želji ukrasite orasima ili bademima.

Ako želite da malo promijenite recept možete tijestu dodati šaku brusnica ili komadića tamne čokolade.

( Vijesti online )