Haverc raspucan u Liga kupu: Het-trik protiv Barnslija

Čelsi nije imao problema protiv Barnslija u Liga kupu Engleske, slavio je 6:0, a Frank Lampard ima razloga da bude zadovoljan zbog nastupa najskupljeg pojačanja u ovom prelaznom roku.

Kai Haverc - novajlija iz Bajera - stigao je do het-trika i to su mu prvi golovi u dresu "plavaca".

Njemac je tresao mrežu u 28, 55. i 65. minutu, a pored njega su se u strijelce upisali i Tami Ejbraham, Ros Barkli i Olivije Žiru.

Havercu je ovo prvi het-trik u karijeri.

Duel u Liga kupu će se pamtiti i po debiju Tijaga Silve, a Haverca je dvadesetak minuta prije kraja zamijenio Ben Čilvel, pojačanje iz Lestera.

( Vijesti sport )