Ono što vam treba: Obična i odlična bijela čorba

Ukusna čorba je nekad baš ono što vam treba - može se poslužiti umjesto supe uz glavno jelo, a ako ste manje gladni, može biti čitav obrok. Pileća bijela čorba spada u kulinarske klasike, pred vama je jedna od varijanti koju krasi jednostavnost.

Sastojci:

• 3 glavice crnog luka
• 3 šargarepe
• 3 veća krompira
• 2 manja bijela mesa
• so,biber,vegeta
• 3 žumanca
• 180 ml kisjele pavlake

Priprema:

Crni luk sitno isjeckati i staviti da se dinsta. Bijelo pileće meso isjeći na kockice pa ga ubaciti u luk i nastaviti sa dinstanjem dolivajući malo po malo vode. Šargarepu i zelen (po želji) očistiti i isjeckati na kolutove pa dodati u meso. Krompir isjeckati na male kocke i ubaciti u šerpu. Posoliti, pobiberiti, staviti vegetu i naliti vodom. Na ovu kolicinu povrća i mesa oko 2l vode.

Kuvati čorbu oko 45 minuta uz povremeno miješanje. Kada je čorba skuvana skinuti je sa šporeta. U dublju posudu staviti tri žumanceta i kisjelu pavlaku i dobro sjediniti pa uz stalno miješanje dodati u čorbu.

( Vijesti online )