Jednostavno: Fantastičan obrok od krompira, sira i pavlake

Uz recept za zapečene krompire sa sirom i pavlakom dobićete jelo uz koje vam meso i ne treba. Sastojci i postupak pripreme su jednostavni.

Sastojci:

• 900 grama narendanog krompira
• 300 ml pilećeg temeljca ( ako ga nemate može poslužiti supa iz kesice ili kockica za supu)
• 250 grama narendanog topivog sira
• 220 grama kisele pavlake
• 110 grama maslaca
• 100 ml mlijeka
• 1 kašika brašna
• 2-3 mlada luka
• 1 kašičica luka u prahu
• ½ kašičice bijelog luka u prahu
• so i biber po želji
• peršun za posipanje

Priprema:

U loncu rastopite maslac na laganoj temperaturi. Ulijte pileći temeljac i mlijeko pa u njemu rastopite polovinu narendanog sira. Dodajte brašno i sve dobro promiješajte. Začinite solju, biberom, lukom i bijelim lukom u prahu. (ukoliko nemate ove namirnice u prahu, vrlo uh sitno nasjeckajte). Ubacite narendani krompir i kisjelu pavlaku i sve dobro promiješajte. Narežite kolutiće mladog luka i dodajte smjesi. Prebacite smjesu u pleh za pečenje i pospite preostalom količinom naribanog sira. Stavite u rernu prethodno zagrijanuna 160 stepeni oko 60 minuta, odnosno dok se krompir ne ispeče do kraja.

( Vijesti online )