Savršen zimski tretman za kosu: Lako se pravi kod kuće

Vjetar, kiša, snijeg, grijanje, nošenje kape - uobičajeni su izazovi koje kosa trpi tokom zime i zbog toga postaje suva, sklona pucanju, gubi sjaj i djeluje sivo i beživotno.

Ispucala i suva kosa traži dodatnu njegu kako bi ponovno bila glatka, svilenkasta i prije svega zdrava. Ne morate ulagati u skupe proizvode, dobar i koristan tretman za kosu možete napraviti i kod kuće uz proizvode koje već imate u svojoj kuhinji.

Sastojci:

• 4 do pet kašičica maslinovog ulja
• 2 kašičice meda
• malo punomasnog jogurta
• jedno žumance

Priprema:

Dobro pomiješajte maslinovo ulje, med i žumance. Postepeno dodajte malo jogurta. Miješajte dok ne dobijete ujednačenu smjesu

Način korištenja:

Prije nanošenja smjese, operite kosu blagim šamponom i ostavite da se malo prosuši na vazduhu. Smjesu nanesite niz cijelu dužinu vlasi i ostavite da djeluje oko 20-30 minuta.

Za kraj dobro isperite kosu mlakom vodom. Ako samo voda nije dovoljna, kosu isperite ponovno sa šamponom. Ovaj tretman možete ponavljati jednom nedjeljno.

( Vijesti online )