Loran Vokije novi predsjednik francuske desnice
Vokije je omiljen kod simpatizera desnice zbog jasnog i za mnoge "tvrdog" desničarskog stava
Uticajni i ambiciozni Loran Vokije izabran je za novog predsjednika francuske desnice, stranke Republikanci.
Izabran je u nadi da će obnoviti značaj te tradiocnalne stranku u Francuskoj koja je doživjela dvostruki fijasko dolaskom centriste Emanuela Makrona na vlast, javila je agencija Frans pres.
Vokije (42) je izabran u prvom krugu internih izbora sa 74,64 odsto glasova, daleko ispred protivnika, Florans Porteli (16,11 odsto) i Mael de Kalan sa 9,25 odsto glasova.
Izbor novog lidera stranke dolazi u godini kad je na predsjedničkim izborima pobijedio centrista Makron, a potom i njegova stranka "Republika u pokretu" na parlamentarnim izborima. Time su poražene tradicionalne stranke, ljevica i desnica, koje su se decenijama smjenjivale na vlasti.
Vokije je omiljen kod simpatizera desnice zbog jasnog i za mnoge "tvrdog" desničarskog stava.
Francuski Radio Evropa 1 je danas javio da se od njegovog dolaska na vlast prijavljuju novi članovi stranke, dok mu protivnici zamjeraju da od Republikanca želi da napravi novu varijantu Nacionalnog fronta, stranke ekstremne desnice.
Vokije je 2010. godine bio ministar za evropska pitanja, a godinu dana kasnije ministar prosvete, za vrijeme desničarkog predsjednika Nikole Sarkozija.
Do 2015. godine je bio potpredsjednik stranke Republikance koja se ranije zvala Unija za narodni pokret (UMP)
( Beta )