Pjenaste rolnice bez šećera: Sa makom i orasima

Ukusnu poslasticu sa makom i orasima možete napraviti za večeru ili doručak, ali može poslužiti i kao desert. Iako se pecivo pravi bez šećera, biće dovoljno slatko zahvaljujući medu i suvom grožđu.

Sastojci:

• 300 ml mlijeka
• 20 g kvasca
• korica narandže ili limuna
• 2 kašike ulja (maslinovog)
• 500 g brašna i malo za posipanje
• malo soli
• 2 jaja

Za fil:

• 100 g maka
• 1 kašika griza
• 100 g mljevenih oraha
• 100 g suvog grožđa
• 100 ml vrućeg mlijeka
• 1 kašika meda

Priprema: U malo mlijeka potopiti kvasac da nadođe. Sipati u vanglu dodati jedno jaje i malo izmutiti. Dodati ulje, ostatak mlijeka, brašno i koricu od narandže. Zamijesiti glatko tijesto. Pokriti da odmori 30 minuta na sobnoj temperaturi.

U zagrijano mlijeko dodati kašiku meda. Sjediniti mak, griz, polovinu grožđa i polovinu mlijeka. U orahe dodati drugu polovinu mlijeka i suvog grožđa.

Razviti oklagijom tijesto na debljinu oko pola centimetra. Isjeći trake tri-četiri prsta širine. Na dno trake staviti fil od maka, umotati tek toliko da se mak prekrije, pa dodati orahe i presaviti još jednom i isjeći nožem tijesto Malo ga uvaljati rukama i ređati u pleh koji ste obložili papirom za pečenje. Pokriti folijom i krpom da odmori pa premazati žumancetom. Peći na 180 stepeni oko 40 minuta.

( Vijesti online )