Atalanta se zagrijala za gostovanje Realu i ponovo ušla u zonu Lige šampiona

Atalanta je opet u zoni Lige šampiona, nakon pobjede nad Specijom na svom terenu 3:1.

Tim iz Bergama ima 52 boda na četvrtoj poziciji, dva više i meč više od Rome.

Do trijumfa je stigao u drugom poluvremenu.

Pašalić je na asistenciju Iličića pogodio za 1:0, a Murijel efektnim golom - plasirani udarac sa ivice šesnaesterca - udvostručio prednost.

U 73. minutu Pašalić je postigao drugi gol na meču, a gosti ublažili poraz preko Pikolija.

Atalanta sada može mirno da se sprema za duel sa Realom u Madridu, u revanšu osmine finala Lige šampiona.

Ima težak zadatak - da nadoknadi poraz od 1:0 iz prve utakmice kod kuće.

( Vijesti sport )