Verner riješio londonski derbi: Čelsi pobijedio i preskočio Vest Hem

Čelsi je pet kola prije kraja sam na četvrtom mjestu Premijer lige nakon što je u direktnom duelu savladao Vest Hem.

Londonski derbi je riješio Timo Verner, pogodio je na pas Bena Čilvela u 43. minutu i to mu je prvi gol za "plavce" od 15. februara.

Njemac je u drugom poluvremenu promašio veliku šansu za 2:0, a onda su prijetili i "čekićari".

Nisu, ipak, imali snage da izbjegnu poraz, bilo je još teže nakon što je crveni karton u 81. Fabijan Balbuena dobio crveni karton.

Čelsi sada ima tri boda više od petoplasiranog Vest Hema, a Tomas Tuhel je neporažen na 10 utakmica u gostima od kada je stigao.

Drugi je menadžer u istoriji lige koji je to uradio - nakon Klaudija Ranijerija sa Lesterom.

( Vijesti sport )