Anđelki Rafailović ulov mjeseca oktobra

Anđelika Rafailović iz Budve osvojila je prvo mjesto u oktobarskom kolu nagradne igre “Ulov mjeseca” koju za sportske ribolovce na Crnogorskom primorju priređuje komapnija za proizvodnju i pormet ribomaterijala i opreme za more “Una” iz Tuvta.

Rafailović je prvo mjesto i nagradni vaučer u iznosu od 50 eura koga može potrošiti u Uninim prodavnicama “Sipa” ili Marine Centru - Radanovići osvojila zahvaljujući ulovljenom kapitalnom primjerku pagra težine 10,3 kilograma.

Pagar krunaš je ulovljen na štap, na živu lignju kao mamac, na otvorenom moru, 10 milja od obale. Drugo mjesto i vaučer u iznosu od 30 eura osvojio je Dejan Mršić iz Tivta sa ulovljenom oradom od 4 kilograma.

Mršić je oradu ulovio podvodnom puškom, metodom na čeku kod Gospe, na dubini od 8 metara. Treće mjesto i vaučer u iznosu od 20 eura pripalo je Tivćaninu Vladanu Biočaninu za ulovljenu lignju od 0,6 kg. Lignja je ulovljena na pušću, u Bokokotorskom zalivu, pod feral u večernjim časovima.

Galerija

( Siniša Luković )