U Holandiji hiljade ljudi evakuisano, rijeke probile branu: Stanje nacionalne katastrofe u Limburgu

Hiljade ljudi napustile su domove na jugu Holandije nakon što su nabujale rijeke poplavile više gradova i probile branu.

Premijer Mark Rute proglasio je stanje nacionalne katastrofe u južnoj provinciji Limburg.

Vlasti su počele evakuaciju velikih djelova grada Venlo u kasnim popodnevnim satima, a stanovnicima manje opštine Mersen takođe je rečeno da napuste domove.

"Postoji ogromna rupa u brani, odmah napustite domove i potražite bezbjedno mjesto", objavile su nadležne službe u Mersenu, prenosi Tanjug.

Vojska je kasnije uspjela da ojača branu u blizini Mersena, ali je evakuacija ostala na snazi.

( MINA )