Sok od nane: Osvježava tijelo i dah
Iste razmjere važe i za pripremu soka od zove, bagrema ili matičnjaka
U vrelim danima najbolje je piti vodu, ali na drugm mjestu su rashlađeni biljni čajevi i napici od prirodnih sokova i sirupa. Jednostavno možete sami napraviti sirup od nane koji se pije razrijeđen i rashlađen. Iste razmjere važe i za pripremu soka od zove, bagrema ili matičnjaka.
Na 10 grančica nane stavite litar vode i kilogram šećera, pola limuna i oko 10 grama limunske kiseline (dvije kašičice).
Priprema:
Potopite grančice nane u vodu s limuntosom i na kriške izrezanim limunom s korom. Dobro izmiješajte i ostavite da odstoji na hladnom i tamnom mjestu 24 sata.
Narednog dana tečnost procijedite pa dodajte šećer i dobro promiješajte. Ostavite da stoji još 24 sata uz povremeno miješanje.
Nakon 48 sati sirup je spreman za pretakanje i presipanje u staklene boce. Manje količine najbolje je čuvati u frižideru, a na hladnom i tamnom mjestu.
( Vijesti online )