5 vježbi za savršene trbušnjake

Ako želite izvajan stomak i čuvene “pločice”, a nemate vremena za odlazak u teretanu, onda prije posla ili kad se vratite kući, izdvojite malo vremena za sebe i uradite vježbe za trbušnjake.

Predstavljamo vam pet odličnih vježbi koje za ravan stomak čuda čine.

#1 Lezite na pod, stavite ruke iza glave, koja treba da bude malo izdignuta od poda, što dodatno aktivira mišiće stomaka. Ispružene noge podignite uvis, u visini kukova, pa spuštajte naizmjenično jednu pa drugu nogu, ali ne skroz, već tik iznad poda. Vježbu radite 45 sekundi i ponovite je tri puta, sa pauzama od 15 sekundi između svake serije.

#2 Isto se namjestite kao za prethodnu, i krenite da spuštate noge, ali ne tik do poda već samo malo jednu ispod druge, dok su u vazduhu. Možete malo ubrzati tempo i radite ih takođe 45 sekundi, tri puta, sa odmorima od 15 sekundi.

#3 Izdržaj je vježba koja je dobra ne samo za stomak već za cijelo tijelo. Stanite u “pseći položaj” s nogama ispruženim i održavajte se na prstima. I ruke su vam ispružene, a opterećenje je na šakama. Guzu spustite ka dole da bi vam cijelo tijelo bilo u ravni i zadržite se u tom polažaju minut. Napravite pauzu od 30 sekundi i ponovite vježbu tri puta.

#4 Opet ste u “psećem položaju”, ali neka vam ovoga puta kukovi budu malo izdignuti. Podignite lijevu ispruženu nogu što više možete gore, vratite je nazad u početni položaj i nakon toga raskoračite obje noge (lijeva noga u lijevu stranu, desna noga u desnu stranu) u skoku. Isto to uradite sa desnom nogom. Vježbu radite minut, odmorite 15 sekundi, pa ponovite tri puta.

#5 I za nju treba da ste u “psećem položaju” – položaju za izdržaj. Privucite lijevu nogu malo u desnu stranu i ka grudima, pa desnu nogu isto tako, samo u lijevu stranu. Nakon toga se dogegajte rukama u položaj što bliže stopalima. Vratite se u početni položaj i radite ovu vježbu minut, a ponovite je tri puta, prenosi Ljepota i zdravlje.

( Vijesti online )