Umjesto Oktoberfesta u Njemačkoj alternativna manifestacija
Burad s pivom spojena su u pabovima u planirano vrijeme Oktoberfesta, u 12 sati po lokalnom vremenu
Slavni njemački pivski festival Oktoberfest se, zbog pandemije koronavirusa, ne održava ni ove godine, ali alternativno događanje manjih razmjera počelo je juče u Minhenu, na isti dan i na istoj lokaciji, prenose tamošnji lokalni mediji.
Burad s pivom spojena su u pabovima u planirano vrijeme Oktoberfesta, u 12 sati po lokalnom vremenu.
Ljudi su se okupili na Terezijenvizeu, otvorenom prostoru u Minhenu gdje se inače održava najveći festival piva, noseći stvari za piknik i piće.
Gradske vlasti i organizatori festivala pozvali su ljude da se pridruže tom alternativnom događaju u kojem je učestvovalo i pedesetak restorana.
Lokali su uređeni u stilu slavnih šatora Oktoberfesta, a festival traje do 3. oktobra, prenosi Tanjug.
( Vijesti online )