Prašović: Mislim da sam razočarao navijače, vratiću se još jači

Dilan Prašović nije mogao do titule prvaka svijeta u kruzer kategoriji u federaciji WBO - crnogorski bokser sinoć je u Londonu poražen od Lorensa Okolija.

Okoli je slavio prekidom u trećoj rundi, a Prašović je nakon meča bio razočaran. Kazao je da je previše vjerovao u pobjedu, a poručio je da će se vratiti još jači.

"Mislim da sam lošim pristupom razočarao sve moje navijače u Crnoj Gori. Previše sam vjerovao u pobjedu i otvoreno ušao u meč. Protivnik je to iskoristio u drugoj rundi i u trećoj nijesam mogao da se vratim. Vratiću se još jači. Ovo je moje veliko iskustvo, imam 26 godina i najmlađi sam među prvih deset. Veliki pozdrav za Crnu Goru", poručio je Prašović.

( Vijesti sport )