Kiks Čelsija na "Stamfordu", prva pobjeda Noriča

Čelsi je stao poslije četiri vezane pobjede u Premijer ligi, "krivac" za to je Barnli koji je osvojio bod u Londonu (1:1).

"Plavci" su vodili, dominirali i stvarali šanse, a kada su ih promašili i pali u igri, gosti su došli do remija - donio im ga je Matej Vidra 10 minuta prije kraja.

Prethodno je tim Tomasa Tuhela vodio od 33. kada je Kai Haverc glavom pogodio poslije centaršuta Risa Džejmsa.

Čelsi sada na prvom mjestu ima tri boda više od Mančester sitija, koji je danas u gradskom derbiju bio bolji od Junajteda.

Kristal Palas je golovima Vilfrida Zahe i Konora Galagera savladao Vulverhempton 2:0, dok je prvu pobjedu u sezoni upisao Norič - slavio je na gostovanju Brentfordu (2:1).

( Vijesti sport )