Neumoljivi Kroford na pod poslao i Portera

Terens Kroford je potvrdio status jednog od najboljih boksera današnjice - u meču za velter titulu u WBO federaciji nokautirao je Šona Portera u desetoj rundi.

Veliki spektakl u Las Vegasu protekao je uglavnom u dominaciji 34-godišnjeg šampiona, mada je Porter imao nekoliko dobrih rundi i bio izuzetno hrabar.

U 10. rundi Kroford je efektnim kombinacijama i udarcima pravo u glavu rivala na briljantan način završio još jednu borbu.

Kroford ima perfektan skor - 38 pobjeda u karijeri, a ovo mu je bila peta odbrana pojasa u velteru.

Porter (36) je doživio četvrti poraz (prvi nokautom), ima 31 pobjedu i jedan neriješen meč.

( Vijesti sport )