Meksiko: Napad u državi Sonora, troje mrtvih

Tri osobe su ubijene kada su nepoznati napadači otvorili vatru ispred gradske skupštine u Gvajmasu, u sjevernoj meksičkoj državi Sonora, saopštile su danas lokalne vlasti.

Na napad su odgovorili pripadnici policije, mornarice i nacionalne garde.

Vlasti su pozvale stanovnike da izbjegavaju centar grada.

Ubistva su se dogodila dan pošto su vlasti saopštile da su pronašle 14 neobilježenih grobova sjeverno od Gvajmasa.

Sonora je više puta bila poprište obračuna suparničkih kartela. Nije poznato da li je i iza današnjeg napada sukob rivalskih bandi.

( BETA )