Ibrahimović kao Mesi i Ronaldo

Fudbaleri Milana sinoć su na gostovanju Udinezeu u finišu meča stigli do boda.

Meč 17. kola Serije A završen je 1:1, a gol za "rosonere" postigao je Zlatan Ibrahimović u drugom minutu sudijske nadoknade.

Šveđanin je sinoć postigao 300. gol u "ligama petice" i, uz Kristijana Ronalda i Lionela Mesija, postao još jedan fudbaler, koji je od 1. januara 2000. godine prebacio magičnu brojku u ovim takmičenjima.

Istina, Ronaldo i Mesi prebacili su i brojku od 400 golova. Portugalac je postigao 483, a Argentinac 475 pogodaka.

( Vijesti sport )