Za promjenu: Musaka sa pečurkama i prazilukom

Pečurke i praziluk savršeno se slažu sa tankim listovima krompira, a kada im dodate preliv od kisjele pavlake dobićete odličan ručak.

Sastojci:

• 500 g šampinjona
• 1 vezica peršuna
• 2 kašike vlasca
• 1 kašike maslaca (ili odgovarajuća količina ulja)
• 1 veći praziluk
• 600 g krompira
• 3 čena bijelog luka
• 200 g kisjele pavlake
• 2 kašike parmezana
• začinsko bilje
• so, biber

Priprema:

Šampinjone sitno nasjeckajte, praziluk narežite na kolutiće, pa nasjeckajte i peršum i vlasac. Na ulju pirjajte praziluk sa nasjeckanim šampinjonima, pospite peršunom, posolite, pobiberite i dodajte druge začine po želji.

Oljuštite krompir i narežite na tanke kolutove. Složite ih, kao riblju krljušt u padmazanu posudu.

Usitnite bijeli luk, nasjeckajte vlasac, a parmezan narendajte, pa sve pomiješajte s pavlakom.

Na sloj krompira, rasporedite pirjane pečurke i praziluk, s zatim ponavljajte postupak dok ne potrošite sve sastojke.

Smjesu od pavlake i rendanog sira prelijte preko slojeva i pecite od 40 do 45 minuta u rereni prethodno zagrijanoj na 200 stepeni.

( Vijesti online )