Ronaldo: Ostvarili smo cilj

Kristijano Ronaldo će igrati na još jednom Svjetskom prvenstvu - Portugal je sinoć savladao Sjevernu Makedoniju 2:0 i trasirao put u Katar.

Ronaldu će to biti peti Mundijal - pojavio se u Njemačkoj 2006. godine, potom igrao u Južnoj Africi, Brazilu i Rusiji.

„Cilj je ostvaren, igraćemo na Svjetskom prvenstvu u Kataru. Na zasluženom smo mjestu. Hvala svima u Portugalu na bezrezervnoj podršci“, rekao je Ronaldo nakon utakmice sa Makedoncima.

Žrijeb za Svjetsko prvenstvo na programu je u petak u 17 časova, a Portugal je u prvom šeširu.

( Vijesti sport )