Ručak spreman za pola sata: Piletina i povrće u soja sosu

Piletina i povrće su uvijek dobra ideja za ručak, a prema ovom receptu jelo će biti brzo gotovo, tako da ga možete pripremiti kad nemate puno vremena. Posebno dobar ukus ovako spremljenoj piletini daju soja sos i susam.

Sastojci:

• 350 g pilećeg filea (isječen na kockice)
• 450 g carske mješavine (šargarepa, karfiol, brokoli)
• 50 ml soja sosa
• 1 kašika susama
• 1 kašika meda
• 1 čen belog luka
• biber

Priprema:

Meso propržiti na ulju tako da se tek uhvati braonkasta korica. Dodati usitnjen bijeli luk i susam i vrlo kratko propržiti. Sipati soja sos, med i biber (prema ukusu) dobro promiješati i ostaviti nekoliko minuta da se krčka. Meso izvaditi iz tiganja i ubaciti povrće. Dodati 150 ml vode, poklopiti i kuvati dok povrće ne omekša i voda ne ispari. Na kraju vratiti meso, sjedniniti i poslužiti.

( Vijesti online )