Još jedan argentinski biser stiže u Evropu: Siti i Real žele Fernandesa

Mladi vezista argentinskog velikana River Plate Enco Fernandes (21) na meti je Real Madrida i Mančester sitija, pišu argentinski mediji.

Siti je već dogovorio transfer Fernandesovog saigrača Hulijana Alvaresa (22) koji će do kraha sezone ostati u redovima Rivera, a onda seli u tabor "građana".

Alvares je za Siti potpisao ugovor na 5,5 godina, a Riveru će pripasti 20 miliona eura odštete.

Argentinski mediji nagađaju kako bi ovoga ljeta u Evropu mogao da se preseli i 21-godišnji Fernandes koji u ugovoru ima odštetnu klauzulu od 22 miliona eura.

Mladi fudbaler je u 35 nastupa za River postigao pet golova i upisao šest asistencija.

( Vijesti sport )