Rođeni Napolitanac napustio Napoli i dobio pehar od 163 centimetra

Rođeni Napolitanac danas se oprostio od Napulja i Napolija.

Lorenco Insinje odigrao je posljednji meč pred domaćim navijačima, na "Maradoni" je doživio ovacije, a od predsjednika Aurelija de Laurentisa neobičan poklon - pehar visok 163 centimetra.

Zašto baš 163 - zato što je Insinje toliko visok.

Insinje (30) odlazi u Toronto, u MLS ligu, nakon 16 godina provedenih u mlađim selekcijama i prvom timu kluba iz svog grada.

Bio je na pozajmicama u Kavezeu, Fođi i Peskari.

Za Napoli je odigrao 363 utakmice i postigao 96 golova, posljednji na oproštaju protiv Đenove.

( Vijesti sport )