Dva gola Levandovskog, magija Fatija, Barsa sjajna na nezgodnom gostovanju
Real Sosijedad - Barselona 1:4
Kiks protiv Valjekana u 1. kolu bio je samo loš dan - Barselona je večeras u drugoj rundi španske La Lige savladala u gostima Sosijedad 4:1 i najavila da će ove sezone biti ozbiljan rival Realu u borbi za titulu.
Ćavijev tim je poveo već u prvom minutu - fudbaleri Sosijedada izgubili su loptu, Barsa je krenula u kontru, a Balde pronašao Levandovskog, koji je postigao prvi gol u La Ligi ove sezone.
Vođstvo "blaugrane" nije dugo trajalo. U šestom minutu De Jong je izgubio loptu, akciju počeo David Silva, a loptu iza Ter Štegena smjestio Isak.
Bilo je šansi u prvom poluvremenu, Feran Tores je u jednom navratu bio neprecizan, na drugoj strani je Mikel Merino bio u situaciji jedan na jedan sa Ter Štegenom, ali je njemački golman izašao kao pobjednik iz ovog duela.
U finišu prvog poluvremena Ter Štegen je zaustavio udarac Silve, pa je poslije 45 minuta bilo 1:1.
U nastavku je Barsa bila bolja, Gavi je imao šansu na jednoj, nakon toga i Merino na drugoj strani, da bi u 66. minutu gosti poveli. Rafinja je pronašao Fatija, koji je sjajno petom asistirao Dembeleu, a francuski reprezentativac postigao gol za vođstvo "blaugrane".
Dva minuta kasnije Levandovski je postigao još jedan gol, a drugu asistenciju upisao Fati.
Konačan rezultat postavio je Fati. Ovog puta asistent je bio Levandovski.
( Vijesti sport )