Andrej Kirilenko: Samo sam želio da igram u Partizanu

MVP Eurobasketa 2007. godine otrkrio da je pred odlazak u Jutu potpisao ugovor sa "crno-bijelima"

4491 pregleda4 komentar(a)
Ipak je igrao u "crno-bijelima", ali iz Bruklina, Foto: Arhiva Vijesti
S
S.Ž.

Ogroman trag u "kraljici igara" ostavio je Andrej Kirilenko, MVP Eurobasketa 2007, potom Evrolige 2012, sa zapaženim igrama i učinkom u Juti, Minesoti, da bi karijeru u najjačoj ligi i povratak u Evropu, završio u Bruklinu.

U njegovoj biografiji ipak se potkrala greška, Kirilenko je u NBA otišao kao košarkaš beogradskog Partizana a ne mosovskog CSKA!

"Samo sam želio da igram za Partizan, istekao mi je ugovor sa CSKA i odmah sam potpisao za "crno-bijele". Znao sam da sam u prvom krugu draftovan za NBA, ali nisam vjerovao da će me baš tako brzo uzeti", otkrio je Kirilenko za agenciju TASS.

Krilni centar je sada predsjednik Ruskog košarkaškog saveza. AK-47, se dakle sa ugovorom u Partizanu otisnuo "preko bare" 2001. godine, u Jutu koja ga je izabrala sa 18 godina kao 24. pika prve runde.