Čuveni specijalitet: Francuska supa od luka

Supa od luka pravi je klasik francuske kuhinje. Prema istorijskim izvorima, supa se kao jelo pripremala i konzumirala još 6000 godina prije Hrista, a luk i supa od luka bili su na jelovnicima još kod starih Grka i Rimljana. Tajna bogatog ukusa francuske supe od luka krije se u luku koji se dugo dinsta na laganoj vatri dok se ne karamelizuje. Supa je kremasta, gusta, primamljivig mirisa i još boljeg ukusa.

Sastojci:

• 1kg luka
• 3-4 čena belog luka
• 50g putera
• 1 kašika maslinovog ulja
• 1 kašika šećera
• 2 kašike brašna
• 200ml bijelog vina
• 1 litar bujona (goveđi)
• nekoliko kriški francuskog hljeba
• 150g grijer sira
• So, biber, majčina dušica

Priprema:

U dublju posudu staviti i istopiti puter, dodati maslinovo ulje, a potom i luk najseckan na tanke režnjeve.

Luk pržiti 10 minuta poklopljen dok ne postane staklast i dobije potrebnu mekoću. Dodati jednu kašiku šećera i nastaviti sa prženjem na laganoj vatri još 20 minuta kako bi se luk karamelizovao.

Ubaciti nasjeckani bijeli luk, a zatim luk posuti sa dvije kašike brašna i sve dobro promješati.

Postepeno dodavati bijelo vino miješajući luk, a zatim topao goveđi bujon.

Pokriti i kuvati 15-20 minuta. Začiniti prema ukusu. Kada je supa gotova sipati u manje posude pogodne za rernu.

Preko supe staviti 1-2 komada prepečenog francuskog hljeba, a na sam vrh narendati sir grijer.

Posude staviti u zagrijanu rernu na 10 minuta dok se sir ne rastopi i dobije zlatno-žutu boju.

Napomena: Ukoliko nemate grijer, koristite neki drugi sir koji se lako topi. Umjesto vina stavite možete staviti nekoliko kašika balzamiko sirćeta, u tom slučaju povećajte količinu vode u bujonu. Dobijena supa je za 4-6 porcija u zavisnosti koliko su velike vatrostalne posude.

( Vijesti online )