Mesiju je Argentina najveća ljubav, davao je i daće sve za reprezentaciju
Mesi je prvi trofej s Argentinom osvojio je 10. jula 2021. godine, pobjedom nad Brazilom 1:0 u finalu Kopa Amerika
Bilži se Mundijal u Kataru i vjerovatno posljednja šansa da Leo Mesi blistavu karijeru ukrasi najvećim trofejom.
Koliko bi legendarnom Argentincu značilo osvajanje svjetske titule, govori i priča Fabijana Soldinija, prvog Mesijevog advokata, jednog od odgovornih za njegov dolazak kao dječaka u Barcelonu.
“Kad sam bio u njegovoj kući, a nismo se vidjeli skoro deset godina prije toga, rekao mi je 'Fabi, godinu sam se budio tokom noći razmišljajući o finalu protiv Njemačke. Ne mogu da spavam'", ispričao je Mesijev prvi agent.
Bilo je to 2015. godine, a godinu ranije Argentina je imala finala Mundijala, koje je izgubila od Njemačke u produžetku.
"Argentina je njegova ljubav. Ni Njuels, ni Barselona, ni PSŽ. On voli reprezentaciju i njega jako pogađaju loše stvari koje se dogode njoj", tvrdi Soldini.
"Messija često kritikuju, a on dođe bolestan, povrijeđen, on se bori kao lav za ove boje. A ljudi onda pričaju da nije kao u klubu. To ga boli i vrijeđa. Mesi živi za Argentinu i daće sve od sebe da joj donese trofej u Kataru", zaključio je.
Mesi je prvi trofej s Argentinom osvojio je 10. jula 2021. godine, pobjedom nad Brazilom 1:0 u finalu Kopa Amerika.
Prethodno je izgubio tri finala tog takmičenja, a nakon poraza od Čilea 2016. godine, rekao je da napušta nacionalni tim i da više neće igrati za reprezentaciju.
Ipak, ubrzo se predomislio i dočekao trofej, koji je i Argentina čekala 28 godina.
Ostao je još Mundijal...
( Vijesti sport )