Van Gal: Depaj neće igrati protiv Senegala

Selektor Holandije Luj van Gal na sjutrašnjem (17) meču protiv Senegala u grupi A na Mundijalu u Kataru neće moći da računa na Memfisa Depaja.

Depaj je od septembra van terena, a u prvoj postavi bi mogao da ga zamijeni Kodi Gakpo.

"Bićemo bez Memfisa Depaja, on neće igrati. Senegal će biti bez Manea, pa ćemo vidjeti kako će ekipe riješiti te probleme", rekao je na današnjoj konferenciji Van Gal.

Van Gal, koji je s Holandijom došao do polufinala na Svjetskom prvenstvu 2014. godine nije htio da otkrije svoj izbor na mjestu vratara.

Van Gal u Katar nije poveo svog najiskusnijeg golmana Silesena (63 nastupa) i mora birati između Džastina Bejloua, Andresa Noperta i Remka Pasvera.

( Vijesti sport )