Pravo praznično jelo: Sočni svinjski kare u sosu od nara

Nar se u kulinarstvu najčešće koristi za pravljenje soka, želea i drugih slatkih stvari, ali - imamo iznenađenje - odlično može poslužiti za pravljenje slasnog mesnog obroka.

Meso u komadu, pečeno u rerni, odlična je ideja za praznične dane a, a kad iskoristite recept koji će ovom kulinarskom klasiku dodati novu notu ukusa i mirisa, možete očekivati - pun gastronomski pogodak.

Sastojci:

• 1,5 kg svinjskog karea u komadu
• 1-2 kašike mješavine začina
• 2 čena bijelog luka
• ½ kašičice bibera
• 3 kašike ulja
• 100 ml soka od nara
• 50 g putera
• 2-3 kašike soka od limuna
• 200 g zrna očišćenog nara

Priprema:

Meso marinirajte mješavinom začina, bijelim lukom i biberom.

Prelijte zagrijanim uljem, sipajte oko 100 ml tople vode, pokrijte aluminijskom folijom i pecite u rerni zagrijanoj na 200°C oko 35 minuta.

Prelijte sokom od nara i nastavite da pečete meso dok ne omekša, po potrebi meso podlijte vodom. Pečeno meso izvadite i stavite na toplo mjesto.

Sos procijdite i stavite u manju posudu. Dodajte puter, limunov sok i kuvajte desetak minuta. Umiješajte zrna nara i njime prelijte isječene tople kotlete. Poslužite uz salatu po želji.

( Vijesti online )