Brzi specijalitet: Marinirana pileća krilca

Ako vam se jede jelo od kojeg će vam zamirisati kuća, marinirana pileća krilca su pravi izbor za vas. Pečena pileća krilca su jedan od poznatijih američkih recepata, ali, ako se ona mariniraju prije pečenja, ona dobiju savršen i sasvim jedinstven ukus.

Sastojci:

• 2 kg pilećih krilaca
• 1 kašičica soli
• 1 kašičica suvog začina
• 1 kašičica slatke paprike
• 1 kašičica ljute paprike
• 2 kašičice bijelog luka u granulama
• 1 kašičica meda

Priprema:

Sve začine pomiješajte. Na krilca prvo stavite kašičicu meda, pa promiješajte. Stavite pola začina i uvaljajte krilca, pa stavite preostalu količinu začina i još jednom sve promiješajte. Krilca ostavite da se mariniraju sat vremena.

Nakon mariniranja, stavite krilca na pleh prekriven papirom za pečenje tako da pečete prvo unutrašnju stranu krilca 30 minuta na 200°C. Poslije pola sata, okrenete krilca i pecite ih još 15-20 minuta na 200°C. Kada krilca poprime zlatno-braon boju, možete da ih izvadite iz rerne i servirate.

( Vijesti online )