Dragojević promijenio klub, ali ostaje na Kipru

Promjena nakon godinu - ovog puta kluba, ali ne i države. Crnogorski golman Andrija Dragojević ostaje na Kipru, ali umjesto Akronas Onislosa sada će braniti gol ekipe Enosis Neon iz Paralimnija.

Momak koji se nekoliko puta našao na spisku reprezentacije Crne Gore tako stiže u klub koji je u tek završenoj sezoni ispao u Drugu ligu Kipra.

Osim pomenutih kiparskih klubova, Dragojević je kroz karijeru nastupao i za jermenske timove Ararat, Pjunik i Alaškert. Nosio je i dresove OFK Beograda, Veleža i Vlaznije, a od domaćih klubova čuvao je gol Lovćena, Grblja i Dečića.

( K.B. )