Kovinić u drugom kolu turnira u Rumuniji

Crnogorska teniserka Danka Kovinić zabilježila je pobjedu u prvom meču nakon skoro dva mjeseca.

Kovinić je danas u prvom kolu čelendžera u rumunskom Jašiju savladala argentinsku teniserku Juliju Rijeru 2:0 (6:3, 6:4).

Danka je u prvom setu napravila dva brejka, povela 5:1 i ekspresno riješila taj dio igre.

Drugi set je odlučen u petom gemu kada je Kovinić oduzela servis protivnici.

Danka je zbog povrede propustila Vimbldon. Na terenu je posljednji put bila u maju kada je Čehinji Noskovoj predala meč prvog kola Rolan Garosa.

( S. Nj. )